Токмокто обсервацияда жаткан адамдан таажывирусу аныкталган. Бул тууралуу бүгүн, 11-апрель күнү өкмөттүк онлайн брифингде Саламаттыкты сактоо министринин орун басары Мадамин Каратаев билдирди.
Мадамин Каратаев суроолорго жооп берип жатып, таажывирусу аныкталган адам Балыкчы шаарынын тургуну экенин айтты.
“Ал Балыкчы шаарынын тургуну, бирок, биз вирустун аныкталган жерин каттоого алабыз. Аныкталган жери, Чүй облусунун Токмок шаары болуп эсептелет” – деп билдирди Мадамин Каратаев.
Ал таажывирусун жуктуруп алган бейтап изоляцияланып, Токмок шаарындагы ооруканада жатканын белгиледи.
Белгилей кетсек, өлкө боюнча 339 адамдан таажывирусу аныкталган. Алардын ичинен 176сы аял, 163ү эркек.
Булак: KyrgyzToday.kg
КОММЕНТАРИЙ КАЛТЫРУУ