Учурда буудай менен арпанын үрөнү жетиштүү. Бул тууралуу бүгүн, 11-апрелде Айыл чарба, тамак-аш өнөр жайы жана мелиорация министри Эркинбек Чодуев билдирди.
Анын айтымында, Кыргызстанда айыл чарба өсүмдүктөрүнүн үрөндөрүнө болгон муктаждыгы 64,5 миң тонна болсо, бүгүнкү күндө анын 84%ы даярдалган.
“Учурда дыйкандар үрөн көйгөйүнө учураган жок. Биздин дыйкандар буудайдын үрөнүн көбүрөөк сурап жатышат. Биз колдон келген аракеттердин бардыгын жасап жатабыз. Буйруса, белгиленгенден дагы 5 миң гектарга көбүрөөк жерге буудай себилет” – деп билдирди министр.
Булак: KyrgyzToday.kg
КОММЕНТАРИЙ КАЛТЫРУУ