Пандемиянын кесепеттери коомдук турмушубуздун дээрлик бардык тармактарына терс таасирин тийгизүүдө. Натыйжада, дүйнө мамлекеттеринин көпчүлүгүндө, анын ичинде Кыргызстанда да жагымсыз экономикалык жагдай жаралды. Бул тууралуу бүгүн, 11-апрель күнү Финансы министри Бактыгүл Жээнбаева өкмөттүк онлайн брифингде билдирди.
“Бүгүнкү күндө өлкөбүздө дээрлик бардык бизнес өз ишин убактылуу токтотту. Бул республикалык бюджетти аткарууга олуттуу таасирин тийгизүүдө. Республикалык бюджеттин киреше бөлүгү боюнча төмөндөө процесси жүрүүдө, жылдын жыйынтыгында төмөндөөнүн көлөмү 30 миллиард сомдон ашып кетиши мүмкүн. Ошол эле убакта COVID-19 глобалдык пандемиясына каршы күрөшүү боюнча иш-чаралар менен байланышкан кошумча чыгымдардын эсебинен республикалык бюджеттин чыгашалары көбөйүшү мүмкүн”, – деп билдирди министр..
Булак: KyrgyzToday.kg
КОММЕНТАРИЙ КАЛТЫРУУ