Казакстанда коронавирус жуктурган кишилердин саны 951 болду

Бул арада Актөбө шаарында “тез жардам” фельдшерлери өзгөчө кырдаал маалында иштеп жатышканы үчүн кошумча акы талап кылышууда. Бул даттануулардан кийин казак бийлиги аларга бир жолу 100 миң теңге (230 доллар) төлөөгө убада берди.

Дем алыш күндөрү Алматы шаарында эле 27 медициналык кызматкер вирус жугузуп алганы белгилүү болду. Алардын ичинен экөөнүн абалы оор. Инфекция жугузгандардын бирөө кош бойлуу.

Казакстан Саламаттык сактоо министрлиги 10-апрелде жалпы өлкө боюнча 120 медицина кызматкери коронавирус илдетине кабылганын билдирген.

Булак: “Борбор Азия жаңылыктар кызматы”