Бишкектеги №18 Үй-бүлөлүк медицина борборунун дарыгери Минара Кулматова өзүнүн айтымында, ал ушул жылдын 7-апрелинде өзгөчө кырдаалга карабастан клиниканын жетекчилиги тарабынан берилген жалган сөгүштүн негизинде иштен алынган.
Мындан улам Кулматова президент Сооронбай Жээнбековго кайрылып, медициналык ишин улантуу үчүн аны калыбына келтирүү өтүнүчү менен кайрылган.
“Ушул жылдын февраль айында мурунку депутат, азыркы вице-премьер-министр Аида Исмаилова жетектеген комиссия клиникага келгенде 2019-жылдын 19-апрелинде жана 10-майында клиниканын кызматкерлерине сый акы берилгени тууралуу маалым болгон. Бирок бул жөнүндө кызматкерлер, анын ичинде мен дагы билген эмесмин. Аталган медицина борборунун дарыгери Тилек Жантайбеков 11 гана кызматкерге сый акы берген. Ал эми калган акчалар кайсы жака корогону белгисиз. Ошондо мен комитеттин төрайымы катары мыйзамсыз сый акыларды берүү маселесине токтолгондо чыр чыккан. Бул иш дагы деле Финансы полициясында, бирок укук коргоо органдары тарабынан эч кандай чара көрүлгөн жок. », – деди Кулматова.
Ошондой эле Кулматова, “Мен 14 жылдан бери поликлиниканын профсоюзунун төрайымы болуп да эмгектенгем. Өзүбүздүн кызматкерлердин укугун дайыма коргоп келем. Ошондой эле өзүмдүн кесибиме жоопкерчиликтүү мамиле кылып келем. Урматтуу президент сизден суранам мени медициналык ишимди улантуу үчүн калыбына келтирип берүүңүздү суранам”,- деген.
КОММЕНТАРИЙ КАЛТЫРУУ