Казакстанда коронавирус инфекциясын жуктуруп алган адамдардын саны 1179га жетти. Бул тууралуу өлкөнүн Саламаттык сактоо министрлиги билдирди.
Мекеменин маалыматына караганда, акыркы бир сутканын ичинде Алматы шаарында вирус жуктуруп алган 174 жаңы учур катталды. Алардын арасында 116 медицина кызматкери бар. Буга байланыштуу Алматыдагы ооруканаларда эпидемияга каршы иш-чаралар күчөтүлүп, бардык кызматкерлер текшерилүүдө.
Бүгүнкү күнгө карата өлкө боюнча коронавирустан 138 киши айыгып, 14 бейтап каза болду. Адам өмүрүн алган акыркы эки учур Нур-Султан жана Чымкент шаарларында катталды.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ