АКШнын Жогорку сотунун имараты, Вашингтон
АКШнын Жогорку соту эпидемияга байланыштуу судьялар биринчи жолу угууларды телеконференция режиминде өткөрө турганын билдирди. Мындай жол менен карала турган иштердин арасында президент Дональд Трамптын салык декларациясын ачык жарыялоо талаптарына байланышкан иш бар.
Жогорку соттун расмий өкүлү Кэти Эрберг май айында судьялар он ишти карай турганын билдирди. Дарыгерлердин сунуштарына ылайык, алардын баары аралыктан каралат.
АКШнын Жогорку соту жаңы технологияларды өтө сейрек колдонот. Алсак, бүгүнкү күнгө чейин тараптардын жүйөөлөрү видеого тартылбайт. Аудио трансляциялар да түз эфирде берилген эмес. Бирок бул жолу журнаисттер отурумдарды радио трансляциялар аркылуу укса болору кабарланды.
Жогорку соттун алты отуруму кийинки айдын алгачкы он беш күндүгүнө белгиленген. Азырынча кайсыл иш кайсы күнү каралары белгисиз.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ