Апта башынан бери Кыргызстанда доллардын курсу эки сомго кымбаттаган. Банктар үчүн доллардын орточо сатуу курсу 80 сом.
Бүгүн, 15-апрелге карата 1 долларды сатып алуу – 79,2-79,3 сом, сатуу – 79,9-80 сом. Ошол эле учурда, Улуттук банктын номиналдык курсу 78,8857 сомду түзөт.
Евронун орточо курсу: сатып алуу – 83,5 сом, сатуу – 89,88 сом. Улуттук банктан евронун расмий курсу 86,17 сомду түзөт.
Белгилей кетсек, 2-апрелде Бишкекте 1 доллар 85 сомго чейин кымбаттаган. Кечинде Улуттук банк интервенция менен валюта рыногуна 14,2 миллион доллар саткан, 10-апрелде дүйнөлүк валюталардын наркы төмөндөгөн. Евро 8 сомго, доллар 6 сомго арзандаган.
КОММЕНТАРИЙ КАЛТЫРУУ