Кечээ, 15-апрелде Ош жана Жалал-Абад облустарында уруксат кагаздарын берүүнүн электрондук системасы ишке киргизилди. Бул тууралуу Маалыматтык технологиялар жана байланыш комитетинин басма сөз кызматы билдирди.
Алардын айтымында, бул жарандар үйдөн эле арызды толтуруп, жөө жүргүнчүлөргө жана унааларга саат 7.00дөн 20.00гө чейин жана коменданттык саат учурунда жүрүүгө электрондук уруксат алууга мүмкүндүк берет.
Эсиңиздерге сала кетсек, Кыргызстанда өзгөчө кырдаал жана өзгөчө абал тартиби таажывирустук инфекциянын жайылуу коркунучуна байланыштуу киргизилген. Бишкек, Ош жана Жалал-Абад шаарларында, ошондой эле айрым райондордо өзгөчө кырдаал режими 30-апрелге чейин узартылды.
Булак: KyrgyzToday.kg
КОММЕНТАРИЙ КАЛТЫРУУ