Menu

Ысык-Көлдө Индиядан коронавирус жуктуруп келген адам өзүнүн эки баласына жана эки балдызына вирус жуктурган

Бөлүшүү:

Коронавирус инфекциясы тастыкталган жарандар Ысык-Көл облусунун Каракол шаарынын тургундары. Бул тууралуу бүгүн, 17-апрелде өкмөттө өткөн брифингде саламаттыкты сактоо министринин орун басары Нурболот Үсөнбаев билдирди.

Маалыматка караганда, ооругандар бир үй-бүлөнүн мүчөлөрү.

Буга чейин Индияга барган 1990-жылы туулган Каракол шаарынын тургуну коронавирус менен ооруп жаткандыгы кабарланган. Бирок ал айыгып кеткен. Андан кийин анын кызынан жана балдызынан  коронавирус табышкан.

Ошондой эле, эми коронавирус анын 2017-жылы туулган баласынан жана 2011-жылы туулган дагы бир балдызынан табылды.

Учурда үй-бүлө бардык жарандары 30-марттан бери обсервацияда жатат. Ал эми үй-бүлө башчысы коронавирустан айыгып, ооруканадан чыгарылган.

Ошентип, аталган аймакта 8 адам коронавирус жуктуруп, алардын ичинен 4 бейтап айыгып кетишти.

Өкмөттүн облустагы ыйгарым укуктуу өкүлүнүн маалыматында, 5-апрелде жарандардын коопсуздугун камсыз кылуу үчүн, шаардык штаб кыш заводунун аймагындагы 55-үйгө тосмолорду коюуну чечкен, анткени бул үйдүн жашоочуларынын бири коронавирус жуктуруп алган. 30-марттан бери бейтап үй-бүлөсүндөгү 5 адам менен облустук бириктирилген ооруканада көзөмөлдө жатат. Коронавирус менен ооруган жаран дарыгерлерге өзү менен байланышкан адамдар жөнүндө маалымат берүүнү каалабагандыктан, үйгө атайын карантиндик резим берүү чечими кабыл алынган.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

26 + = 33

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: