Тажикстанда соңку суткада коронавирус инфекциясын 106 киши жуктуруп алды, алты киши кайтыш болду. Өлкөнүн Саламаттык сактоо жана калкты социалдык жактан коргоо министрлиги 14-майга карата жалпысынан 907 киши вирус жуктурганын, 29 адам өлгөнүн билдирди.
Бул арада көптөгөн жарандар расмий статистикага ишенген жок. СOVID-19 жана пневмониядан өлгөндөрдүн альтернативдүү тизмесинде 200дөн ашуун адамдын аты-жөнү камтылган. Соцтармактардын колдонуучулары күн сайын жакындарынын, досторунун, тааныштарынын өлгөнү тууралуу кабарлашууда.
Тажикстан Саламаттык сактоо министрлиги 14-майда 4299 киши дарыгерлердин көзөмөлүндө экенин, акыркы суткада 403 киши ооруканадан чыгарылганын кабарлады. Бирок бул кишилерге кандай диагноз коюлганы айтылган жок.
Тажик бийлиги өлкөдө коронавирус жуктурган учур катталганын 30-апрелде гана мойнуна алган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ