Кыргыз-тажик чек арасындагы окуядан жарадар болгон 3 аскер кызматкери Бишкектеги Улуттук госпиталда дарыланып жатышкан. Бүгүн, 22-майда 2 аскер кызматкердин дарылануусу аяктап, ооруканадан чыгарылды. Бул тууралуу Саламаттыкты сактоо министрлигинен билдиришти.
Министрликтен билдиришкендей , алардын абалы канааттандырарлык. Ал эми дагы бир аскер кызматкери дарылануусун улантат. Анын абалы туруктуу деп бааланууда. Бейтап бардык дары каражаттары менен камсыздалган.
Эскерте кетсек, 8-майда Баткен районунун Көк-Таш айылында кыргыздар менен тажиктердин ортосунда чыр чыгып, ок атылган. Ок атышуунун кесепетинен Чек ара кызматынын 3 аскери жана бир тургун жаракат алган. Үчөө ооруканага жаткырылып, бирөө амбулатордук дарыланууга жөнөтүлгөн болчу.
Булак: KyrgyzToday.kg
КОММЕНТАРИЙ КАЛТЫРУУ