Кафелердин, ресторандардын жана иштөөгө уруксат берилген башка мекемелердин администрациясы кардарлардын аты-жөнүн жана кирип-чыккан убактысын жазышы шарт. Бул документ кеминде 4 жума сакталышы керек. Бул тууралуу кечээ, 23-майда борбор калаанын мэри Азиз Суракматов онлайн-брифингде билдирди.
Анын айтымында, бул чара инфекция болгон учурда эпидемиологдор орулуу адамдын байланыштарын байкоого жана изоляциялап алышы үчүн керек.
Эскерте кетсек, 25-майдан тартып төмөнкү ишкерлерге уруксат берилет.
-Соода аймагы, кийим базарлары. Базарда жарандардын аралыгы 1,5 же 2 метрди түзүшү керек. Ошондой эле баш-аламандыкка жол бербөө зарыл.
– Кафе-ресторандар, 50 орундуктан ашпоосу зарыл. 1,5 же 2 метр аралыкты так сактоосу маанилүү.
-Театрлар, музейлер жана китепканалар.
-Шаар ичинде каттаган автобус, троллейбус жана кичи автобустар.
Булак: KyrgyzToday.kg
КОММЕНТАРИЙ КАЛТЫРУУ