Ош облусунун Алай районунда кийим-кече сатуучу базардын ишмердүүлүгүнө уруксат берилген жок. Бул тууралуу бүгүн, 25-майда кийим-кече тармагында иштеген сатуучулар билдирди.
Алардын айтымында, бүгүн, 25-майда Алай районундагы борбордук базардагы кийим-кече саткан сатуучуларга соода жүргүзүүгө уруксат берилген эмес. Жайылган товарларды кайрадан жыйноого мажбурлаган. Милиция кызматкерлери кийим-кече сатуу боюнча маселенин жообу эртең, 26-майда маалым болорун билдиришкен.
Ал эми Алай районунун акимчилигинин аппарат жетекчиси Нурбек Аданбай уулу 25-майдан тартып ишке кире турган ишкердиктин түрлөрүнө уруксат берилгенин билдирди.
“Кийим-кече сатуучу базар жана 50 орунга чейинки кафе-ресторандарга иштөөгө уруксат берилген», – деди Нурбек Аданбай уулу.
Булак: KyrgyzToday.kg
КОММЕНТАРИЙ КАЛТЫРУУ