Быйыл 15-июнда Кыргызстанда өрткө каршы кызматынын түзүлгөндүгүнө 94 жыл толот. Буга байланыштуу өрт өчүрүү кызматкерлери аспаптардын коштоосунда ыр аткарышкан. Бул тууралуу кечээ, 12-июнда Өзгөчө кырдаалдар министрлиги Фейсбук баракчасына жарыялаган.
Видеотасмада көрүнүп тургандай, өрт өчүрүүчүлөр арасында таланттуу кызматкерлер шаймандарды жана аспаптарды колдонуп “Тоолор” аттуу ырды жандуу үн менен аткарышкан.
КРнын Өзгөчө кырдаалдар министрлигинин Чүй облусу боюнча башкармалыгынын башчысынын орун басары Акжол Үсөн уулунун айтымында, майрам күндөрү таланттуу кызматкерлер чогулуп, Кыргызстан, сүйүү жөнүндө чыгармаларын тартуулашат.
“Таланттуу кызматкерлер майрам күндөрү чогулуп, Кыргызстан жөнүндө, жаратылыштын кооздугу жана сүйүү жөнүндө ырларды аткарышат. Биз өрттү дагы өчүрөбүз, өзгөчө кырдаалдардын кесепетин дагы жоёбуз, ошону менен бирге чыгармачылык да жөндөмүбүз бар. Биз эски, колдонуудан чыккан жараксыз шаймандардын жана комуз, аккардеондун коштоосунда ырдайбыз”, – деди ал.
https://www.facebook.com/218499755245564/posts/982699418825590/?vh=e
Булак: KyrgyzToday.kg
КОММЕНТАРИЙ КАЛТЫРУУ