Бүгүн, 14 июнга карата, сутка ичинде Кыргызстанда коронавирус илдетин жуктуруп алган 78 адам катталды. Бул тууралу коронавируска каршы күрөш боюнча республикалык штабдан билдиришти.
Алардын ичинен:
– Бишкек – 50;
– Чүй областы – 13;
– Жалал-Абад областы – 5;
– Талас областы – 5;
– Нарын областы – 3;
– Ысык-Көл областы – 2.
Кыргызстан боюнча пандемия башталгандан тартып ушул күнгө чейин 2285 адам COVID-19 илдети менен катталган.
Алардын ичинен 1791 киши айыгып чыкты.
Акыркы бир сутка ичинде 69 сыркоолуу киши ооруканалардан айыгып чыгарылды.
Ошондой эле акыркы суткада 9 дарыгер коронавирус жуктуруп алганы аныкталды. Жалпысынан бул илдетке 438 дарыгер чалдыгып, 341и айыгып чыкты.
Булак: Kyrgyztoday.kg
КОММЕНТАРИЙ КАЛТЫРУУ