Кечээ, 16-июнда теле алып баруучу Эркин Рыскулбеков бир тууган эжеси жана анын балдары коронавируска чалдыкканын Фейсбук социалдык тармагындагы баракчасына жазып чыкты.
“COVID-19 илдети менин үй-бүлөмө жетти. Бир тууган эжем жана анын 3 баласы коронавирус жуктуруп алышты. Эжем “Гансиде”, ал эми балдары (вирустун белгилери байкалбай) үйдө обсерацияда. Бардык сунуштарды аткарыңыздар. Бул тамаша эмес. Мен азыр аябай корком”, – деп билдирүү калтырган Рыскулбеков.
Белгилей кетсек, Кыргызстанда кечээ, 16-июнда 100 адамдан жаңы коронавирус инфекциясы катталган. Муну менен өлкөдө ооругандардын жалпы саны 2472ге жетти. Илдеттен 1847 адам айыгып, ооруканалардан чыгарылган. 28 адам коронавирус инфекциясынан каза тапты.
Булак: KyrgyzToday.kg
КОММЕНТАРИЙ КАЛТЫРУУ