Menu

Орусия Тажикстандагы жарандарын алып кете баштады

Бөлүшүү:

Орусия Тажикстандагы жарандарын алып кете баштады. 22-июнда пландалган беш аба каттамдын алгачкысы аткарылып, жүргүнчүлөр Новосибирск жана Екатеринбург шаарларына жеткирилди. Алардын көбү кош жарандыгы бар тажикстандыктар.

Дүйшөмбү күнү каттамга илинбей калган жүздөгөн жаран Душанбе аэропортуна келип, бирок учуп кете алышкан жок. Алар Орусиянын мамлекеттик кызмат көрсөтүү порталында каттоого турганы менен тизмеге киргендиги тууралуу расмий жооп алышкан эмес. Буга көпчүлүгүнүн электрондук порталдын ишине түшүнбөй, анкетаны туура эмес толтургандыгы себеп болгону айтылууда.

Миграция маселеси боюнча эксперт Рахмон Ульмасов Орусия кош жарандыгы бар тажикстандыктарды алып кетүү үчүн пландаган беш каттам жетишсиз болот деп эсептейт. Анын айтымында, жалпысынан Орусияга учуп кетүүнү каалагандардын саны он миңдеп саналат.

«Орусиялык статистиканын расмий маалыматына ылайык, бүгүнкү күндө 400 миңге жакын тажикстандык кош жарандык алган. Азыр жок дегенде алардын 10% Тажикстанда жүрөт десек, анда каттамдардын санын бир нече эсе көбөйтүү керек», — деди Ульмасов.

Кийинки төрт каттам 1-июлга чейин аткарылат деп күтүлүүдө. Алардын экөө Москвага, бирөө Санкт-Петербург жана дагы бирөө Казан шаарларына учат.

Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 59 − 54 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: