Кадамжай районунда адам уурдоого шектелген үч жаран кармалды. Бул тууралуу бүгүн, 23-июнда Баткен облусунун Ички иштер башкармалыгынан билдиришти.
Белгиленгендей, 43 жаштагы А.Х. милицияга кайрылган. Жабырлануучу анын уурдалгандыгын жана ири суммадагы акча талап кылгандыгын билдирген.
“Тергөөнүн жүрүшүндө белгисиз адамдар арыз ээсинин уюлдук телефонуна чалып, үйдөн чыгып кетишин суранып, аны унаага түртүп, талаага алып чыгып, 950 миң сом талап кылып жаткандыгы белгилүү болду. Жабырлануучу акча таппай калса, аны өлтүрөм деп коркуткан. Кадамжай райондук ички иштер бөлүмү үч шектүүнү кармашты. Алардын бири мурда соттолгон”, – деп билдиришти милициядан.
КОММЕНТАРИЙ КАЛТЫРУУ