Бүгүн, 24-июнда Таласта “Жерүй” алтын кени боюнча жыйын өткөрүүнү пландаштырган Элдик комиссиянын төрагасы Айбек Бузурманкулов кечээ, 23-июнда милиция тарабынан кармалып, Талас райондук ички иштер бөлүмүнө жеткирилген. Бул тууралуу Айбек Бузурманкулов өзү тастыктады.
Анын кармалышы тууралуу кечээ, 23-июнда дагы бир активист Максат Казакбаев кабарлаган. Белгиленгендей, Бузурманкулов алдын-ала сүйлөшүү жана пандемия учурунда жолугушууларды, жыйындарды уюштурбоо боюнча милиция тарабынан эскертилип, коё берилген.
Айбек Бузурманкуловдон ПЦР-анализи алынып, үй карантинине жиберилген.
Эсиңиздерге сала кетсек, Айбек Бузурманкулов 2015-жылы Алмаз Атамбаев президент, Темир Сариев премьер-министр болуп турганда экс-премьер Өмүрбек Бабанов баштап келген Россиялык чечен бизнесмендерге $5 млрд алтыны бар Жерүй кенин $100 млн эле акчага, кыргыз элине 1% да үлүш калтырбай сатып жиберген фактысы боюнча түзүлгөн Элдик комиссияны жетектеп келет.
Булак: KyrgyzToday.kg
КОММЕНТАРИЙ КАЛТЫРУУ