Борбордук шайлоо комиссиясынын жана аймактык шайлоо комиссияларынын мүчөлөрүнүн айлык акысы 219 миллион 210 миң сомго чейин жетет. Бул суммага чет өлкөдөгү шайлоону уюштурган Тышкы иштер министрлигинин кызматкерлеринин айлык акыларын төлөөгө кеткен чыгымдар да кирет. Мындай маалыматтар чыгым сметасында келтирилген.
Борбордук шайлоо комиссиясынын басма сөз кызматынын кызматкери Руслан Изреков сметада көрсөтүлгөн сандарды журналисттерге тастыктады.
Такталгандай, иш сапарларга 8 миллион 137 миң сом сарпталат. Унаа чыгымдары 25 миллион 38 миң сомду түзөт. 132 млн 143 миң сом “башка чыгымдар” графасында көрсөтүлгөн.
Парламенттик шайлоого жалпысынан 446,9 млн сом сарпталат.
Борбордук шайлоо комиссиясы партияларга үгүт иштери 4-сентябрда башталаарын эскертет. 20-августка чейин партиялар съезд өткөрүп, депутаттыкка талапкерлердин тизмесин түзүшү керек. Тизмелер квотанын талаптарына ылайык түзүлүшү керек.
КРнын Жогорку Кеңешинин депутаттарын шайлоо 2020-жылдын 4-октябрына дайындалган.
КОММЕНТАРИЙ КАЛТЫРУУ