Транспорт жана жолдор министри Жанат Бейшенов тик учактар Кыргызстанга аба аркылуу химиялык заттарды чачып жатат деген маалыматты четке какты. Бул тууралуу ал бүгүн, 23-июлда онлайн-брифингде билдирди.
Анын айтымында, так эмес маалыматтар социалдык тармактарда улам-улам жайылып жатат.
“Мен бардыгын чакырам: бул маалыматтарга ишенбеңиздер. Өлкө боюнча мындай иш-аракеттерди бир дагы учак аткарган жок. Кечээ кимдир бирөө социалдык тармакка тик учактан химикаттар кайрадан чачылып жатат деп жазыптыр, андай эмес. Чакан учуучу аппарат “Автожир” машыгууларды өткөрдү”, – деди Жанат Бейшенов.
КОММЕНТАРИЙ КАЛТЫРУУ