Ош шаарында дарыканада иштеген фармацевт кыз каза болду. Бул тууралуу Ош облустук бириккен клиникалык оорукана билдирди.
Маалыматка ылайык, ал дары-дармекке ууланып каза болгон. 1-август күнү саат 09:11 чамасында кыз уулануу белгилери менен ооруканага жаткырылып, саат 16:45те көз жумган.
“Ал бизге эс-учун жоготуп келди. Бейтаптын оорусунун таржымалы соттук-медициналык экспертизада. Мен кабыл алуу журналындагы маалымат боюнча айтып жатам. Алдын ала маалыматтар боюнча, ал дарыга ууланып калган. Бул бейтаптын эмнеден улам комага түшүп калганы белгисиз”, – деди оорукананын директорунун орун басары Кадырбек Бөрүбаев.
Ош облустук ички иштер башкармалыгынын басма сөз катчысы Жеңиш Аширбаевдин айтымында, милицияга бул факты боюнча арыз түшкөн жок.
КОММЕНТАРИЙ КАЛТЫРУУ