Бишкекте унаа айдап баратып, аялды өлтүрө сүзгөн деп шектелген айдоочу кармалды. Бул тууралуу бүгүн, 18-августта Патрулдук милициянын басма сөз кызматы билдирди.
Маалыматка ылайык, кечээ, 17-августта болжол менен саат 01:00 чамасында Айтматов проспектисинде “ШампанВинКомбината” ЖЧКнын жанында “Toyota Estima” унаасы жолдон өтүп бара жаткан аялды сүзүп кеткен. Ал алган жаракаттарынан улам көз жумган.
Милиция кызматкерлери шектүүнү кармашты. Ал 1997-жылы туулган Э.А. болуп чыкты. Аны милиция бөлүмүнө алып барышты. Ал эми унаа айып төлөөчү жайга киргизилген.
КОММЕНТАРИЙ КАЛТЫРУУ