Өзбекстанда аз камсыз болгон үй-бүлөлөрдө жашаган 16га чыга элек балдарга бир жолудан 500 000 сум (50 доллар) өлчөмүндө материалдык жардам берилет. Тиешелүү токтомго өлкөнүн президенти Шавкат Мирзиёев кол койду.
Токтомго ылайык, сентябрда акчалай жардам материалдык колдоого муктаждардын тизмесине киргизилген, багуучусун жоготкондугу үчүн пенсия же жөлөк пул алган үй-бүлөлөрдөгү жана мүмкүнчүлүгү чектелген балдарга берилет.
Өлкөнүн Каржы министрлигине республикалык жана жергиликтүү бюджеттерден бул үчүн зарыл болгон сумманы өз убагында бөлүп берүү тапшырмасы берилди.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ