Жогорку Кеңештин депутаттары өз ишин 2-октябрга чейин токтотушту

Жогорку Кеңештин депутаттары өз ишин 2-октябрга чейин токтотушту. Мындай чечим бүгүн, 3-сентябрда кабыл алынды.

Төрага Дастанбек Жумабеков шайлоочулардын алдында калыс болоорун белгиледи. Парламентчилердин көпчүлүгү VII чакырылышка ат салышат жана үгүт иштерин жүргүзүү үчүн аянтчаны колдонбош үчүн, жумуштан бир аз тыныгуу алып, шайлоочулар менен жеринде жолугушууга убакыт бөлгөн жакшы. Эл өкүлдөрү буга макул болушту.

Тизмеге кайсы партиялар киргизилет, БШК бүгүн, 3-сентябрдан кечиктирбестен жарыялашы керек.

Үгүт иштери эртең, 4-сентябрда башталып, 3-октябрга чейин уланат. Шайлоо 4-октябрда өтөт.