Ош облусунун Өзгөн районунда Абадан коргонуу күчтөрүнүн офицери өзүн бутка атып алды. Бул маалыматты Кыргызстандын Куралдуу күчтөрүнүн Башкы штабы журналисттерге тастыктады.
Маалыматтар боюнча, кечээ, 15-сентябрда саат 18:35те офицер куралын тапшырып жатып кокустан бутуна атып алган. Ага биринчи медициналык жардам көрсөтүлүп, андан кийин аймактык ооруканага жеткирилген. Анын абалы жакшы, ал жеңил жаракат алган.
Учурда тергөө иштери жүрүп жатат.
Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.
КОММЕНТАРИЙ КАЛТЫРУУ