Ош облусунун Өзгөн районунда өрт кырсыгы катталып, 20 кой тирүүлөй өрттөнүп кетти. Бул тууралуу ӨКМнын басма сөз кызматы билдирди.
Маалыматка ылайык, Алиев көчөсүндөгү Коммунист айыл өкмөтүнүн Мырза-Аке айылында аянты 120 м2 аянттагы сарай, 2 тонна чөп жана 20 кой күйүп кетти. Учурда өрттүн себеби такталууда. Саат 05: 05те өрт толугу менен өчүрүлгөн.
«Өрт тууралуу маалымат биздин нөөмөт бөлүмүнө 24-сентябрга караган түнү саат 01:49 чамасында келип түшкөн. Саат 02: 14тө окуя болгон жерге бир өрт өчүрүү тобу барган. Саат 02: 43тө өрт локалдаштырылып, саат 05: 05те толугу менен өчүрүлгөн. Мал сарайдан өрт чыкты. Коңшулардын жардамы менен өрттөн 24 койдун ичинен 4 кой, ошондой эле 4 уй куткарылды. 20 кой өрттөлгөн. Азыр өрттүн келип чыгуу себеби жана келтирилген чыгымдын көлөмү такталууда», – деди Өзгөчө кырдаалдар министрлигинин Өзгөн аймактык башкармалыгынын өрттүн алдын алуу жана өчүрүү бөлүмүнүн башчысы Нургазы Токобаев.
КОММЕНТАРИЙ КАЛТЫРУУ