Москвада бир ишканада көпүрөнүн кулашынан жаракат алган кыргызстандыктардын бири окуянын чоо-жайын “Москва 24” телеканалына айтып берди.
Кырсык кечээ, 27-сентябрда Москва облусунун Ступин районундагы FM Logistic (кампа комплекси) логистикалык ишканасынын кампасында болгон. Кыргыз Республикасынын 51 жараны жаракат алышты, төртөөнүн абалы оор, каза болгондор жок.
“Бир-эки секунданын ичинде бардыгы болуп өттү. Адамдар бири-бирине жана көпүрөнүн айрым бөлүктөрүнө кулап түшүштү. Кулап түшкөндөн кийин, мен дароо байланышымды үзүп алдым, ойгонуп кетсем, мен биринчи көргөн адамды дароо четке сүйрөп барууга аракет кылдым”, – деди мекендешибиз.
Кыргызстандын Россиядагы элчилигинен билдиришкендей, FM Logistic компаниясынын жетекчилиги керектүү материалдык жардам көрсөтүүгө жана жабыркагандардын бардыгын медициналык камсыздандырууну уюштурууга даяр деп ишендирди.
КОММЕНТАРИЙ КАЛТЫРУУ