Кыргызстанда коронавирустук эпидемия башталгандан бери медициналык мекемелердин сегиз жетекчиси кызматтан алынды. Бул тууралуу бүгүн, 28-сентябрда Саламаттыкты сактоо министринин орун басары Нурболот Үсөнбаев брифингде билдирди.
Анын айтымында, дагы сегиз жетекчи катуу сөгүш алды. Алар жумуштагы кемчиликтер жана медициналык мекемелердеги ишти начар уюштургандыгы үчүн жазаланды.
«Кемчиликтер ачыкка чыгып, административдик чаралар көрүлүшү керек. Эпидемия учурунда кадрдык өзгөртүүлөр зарыл процесстердин бири болду», – деп баса белгиледи Нурболот Үсөнбаев.
КОММЕНТАРИЙ КАЛТЫРУУ