Бүгүн, 6-октябрда эртең менен экс-депутат Равшан Жээнбеков Бишкектеги СИЗО-1ден бошотулганын анын уулу билдирди.
Эскерте кетсек, митингчилер Ак үйдү басып алгандан кийин, Алмазбек Атамбаев менен экс-депутат Садыр Жапаров бошотулган.
Кечээ, 5-октябрда, Ала-Тоо аянтында бир нече партиялардын митингдери болуп, ал башаламандыкка айланды. Андан кийин митинг ичи-тышы талкаланган “Ак үйдү” басып алуу менен аяктады.
Эсиңиздерге сала кетсек, Равшан Жээнбеков 12-декабрда ИИМге суракка чакырылып, ага Кой-Таш окуялары боюнча “Барымтага алуу” жана “Массалык башаламандыкты уюштуруу” беренелеринин негизинде шектүү катары камакка алынган. Дал ошол күнү Жогорку Кеңеште 7-8-августта Кой-Ташта болгон окуя боюнча мамлекеттик комиссиянын корутундусу угулуп, бир топ адамдын аты аталган. Алардын арасында Равшан Жээнбеков да бар болчу.
КОММЕНТАРИЙ КАЛТЫРУУ