Бишкек шаарынын мэри Азиз Суракматов кызматына кайтып келди. Анын айтымында, 6-октябрда ал жумуш ордунда таңкы саат бешке чейин болгон.
«Андан кийин мен кийинүүгө кеткем, кайра келгенде мэрия басып алынган болчу. Бир нече топ бар болчу. Муниципалитетти сактап калуу үчүн, убактылуу аралыктан иштөөнү чечтим, анткени чыр чатакты каалаган жокмун. Шаардын жашоосуна байланыштуу бардык маселелер телефон аркылуу чечилди», – деди ал.
Азиз Суракматов ушунча адам аны колдойт деп күтпөгөндүгүн мойнуна алды.
Белгилей кетсек, буга чейин шаардыктар Азиз Суракматовду борбор калаанын мэри кызматына кайтып келүүсүн талап кылып жатышкан.
КОММЕНТАРИЙ КАЛТЫРУУ