Бүгүн, 14-октябрда Садыр Жапаров премьер-министр болуп бекитилгенден кийин маалымат жыйын берип жатат.
Бажы кызматынын башчысынын мурдагы орун басары Райымбек Матраимовдун жүргөн жери жөнүндө сураганда, Садыр Жапаров: “Такталбаган маалыматтар боюнча ал чет жакта жүрөт” – деп жооп берди.
Эске салсак, Райымбек Матраимовдун бир тууганы, Кара-Суу районунун акими болуп иштеген Тилек Матраимов Кыргызстанда, анткени ал чек арадан мыйзамсыз өтүп жатканда кармалып, өзбек чек арачылары кайтарып берген. Сот 9-ноябрга чейин тергөө абагында болуш керек деген чечим чыгарган. Башка бир туугандар Русланбек жана Исламбек Матраимовдор дагы Кыргызстанда. Парламенттин депутаты Искандер Матраимов кайда, белгисиз.
КОММЕНТАРИЙ КАЛТЫРУУ