Депутат Дастан Бекешев президенттикке талапкерлердин шайлоо фондунун көлөмүн азайтууну сунуштайт. Бул тууралуу ал журналисттерге билдирди.
Депутаттын айтымында, шайлоо фонддорунун көлөмү партиялар үчүн дагы, президенттикке талапкерлер үчүн дагы төмөндөтүлүшү керек: партиялар үчүн 300 миллиондон 50 миллионго чейин, ал эми президенттикке талапкерлер үчүн 200 миллиондон 100 миллион сомго чейин.
“Мен ошондой эле босого чек 3%га, региондук босого 0,7% дан 0,3% га төмөндөшүн каалайм. Ошондой эле шайлоого катышкан чиновниктер кызматтан кетиши керек деп ойлойм”, – деди Дастан Бекешев.
Ал №2 форма боюнча каттоону толугу менен жокко чыгаруунун кажети жоктугун, бирок мыйзамда шайлоо дарегин бир жолу гана өзгөртүүгө болот деп белгилөө керектигин кошумчалады. Добуш берүү күнүнө 30 күн калганда №2 форма боюнча арыз берүүгө тыюу салынышы керек.
КОММЕНТАРИЙ КАЛТЫРУУ