Бүгүн, 2-ноябрда УКМКнын имаратынын жанында Ички иштер министринин экс-орун басары Курсан Асановду колдоо митинги өтүп жатат. Бул экинчи митинг, биринчи митинг 31-октябрда өттү.
Митингчилердин талабы Курсан Асановду абактан чыгаруу. Алардын айтымында, анын күнөөсү жок.
Эске салсак, Бишкек шаардык соту 29-октябрда Курсан Асановду 10-декабрга чейин УКМКнын СИЗОсунда камакта калтырган. Министрдин мурунку орун басары 9-октябрда Ала-Тоо аянтындагы башаламандыктан кийин кармалган. Андан башка дагы бир топ саясатчылар ушул иш боюнча абакта жатышат. Алардын бардыгы эки айга камакта. Ал эми Темирлан Султанбеков үй камагына чыгарылды.
КОММЕНТАРИЙ КАЛТЫРУУ