Мэрдин милдетин аткаруучу Нариман Түлеев Москвада иш сапары менен жүрөт. Бул тууралуу ал журналисттерге өзү билдирди.
Ал кызматтан кетүү тууралуу арызы али кабыл алына электигин тактады. Эске салсак, Нариман Түлеев 22-октябрда премьер-министр Садыр Жапаровдун атына кызматтан кетүү боюнча арыз жазган. Бирок, ага кол коюлган эмес.
«Мен Москвадамын. Бүгүн биз фармацевтикалык компаниялар менен бир нече жолу жолугушууларды өткөрөбүз, дары-дармектерди жана медициналык жабдууларды жеткирүү боюнча сүйлөшүүлөрдү жүргүзөбүз», – деди Нариман Түлеев.
Эске салсак, бүгүн, 26-октябрда мэриянын имаратынын жанында 100гө жакын адам “Нариман, кетсин, ал Бакиевдин кадры”, – деп кыйкырышты.
КОММЕНТАРИЙ КАЛТЫРУУ