Мамлекеттик бажы кызматынын кызматкерлери аткезчилик жол менен ташылып келинген 52 автоунааны аныкташты. Бул тууралуу бүгүн, 3-ноябрда КР Бажы кызматынын басма сөз кызматы билдирди.
Маалыматка караганда, ЕАЭБтин бажы аймагына товарларды жана транспорт каражаттарын мыйзамсыз ташып кирүү фактыларын табуу жана аларга бөгөт коюу боюнча жүргүзүлгөн ыкчам иш-чаранын жыйынтыгында, Мамлекеттик бажы кызматынын Контрабандага жана бажы эрежелерин бузууга каршы күрөшүү башкармалыгынын кызматкерлери ЕАЭБтин бажы аймагына мыйзамсыз ташылып келинген 52 автоунааны аныкташкан.
Бул фактылар боюнча мамлекеттик бюджетке келтирилген зыяндын суммасы 81 742 282 сомду түзөт.
Чогултулган матералдар Кылмыштардын жана жоруктардын бирдиктүү реестрине катталып, тергөөгө караштуулугу боюнча өткөрүлүп берилген.
КОММЕНТАРИЙ КАЛТЫРУУ