Экинчи чейректе мектептерди ачуу маселеси каралууда. Бул тууралуу бүгүн, 3-ноябрда Саламаттыкты сактоо министринин орун басары Нурболот Үсөнбаев маалымат жыйынында билдирди.
Анын айтымында, 11-ноябрдан баштап мектептерде оффлайн режиминде билим алууну калыбына келтирүү маселеси каралууда.
“Учурда кайсы режимде, кайсы класстарда сабактар башталаары талкууланып жатат. Аймактарда акимдер, губернаторлор жоопкерчиликти алышат. Алар комиссия түзүп, кырдаалды изилдеп, ар бир мектеп үчүн өзүнчө чечим кабыл алышы керек. Ошондой эле борбордогу мектептер боюнча талкуулар жүрүп жатат. Эгерде окутуу башталса, анда 1-класстан 5-класска чейинки же 5тен 11ге чейинки класстар окушабы, талкууланып жатат. Балким, биз мектептерди ачсак, эки жуманын ичинде оффлайн режим эпидемиялык процесстин жүрүшүнө эч кандай таасир этпесе, анда режим толугу менен кайтарылып берилет, анткени балдар билим алышы керек” – деди Үсөнбаев.
КОММЕНТАРИЙ КАЛТЫРУУ