АКШдагы президенттик шайлоодо жеңишке жетишкен Джо Байден 20-январда мамлекет башчысы кызматына киришкенден кийин дароо бир катар жарлыктарга кол коюуну пландап жатат. Бул тууралуу “ТАСС” маалымат агенттиги билдирет.
Маалыматка ылайык, Джо Байдендин айтымында, ал учурдагы президент Дональд Трамп буга чейин көтөрүп чыккан айрым демилгелерди жокко чыгарууга ниеттенүүдө.
“The Washington Post” басылмасы билдиргендей, саясатчы Париж климаттык келишимине кайрадан кошулууга ниеттенүүдө. Ошондой эле АКШнын Бүткүл Дүйнөлүк Саламаттык сактоо Уюмунан чыгуусун жокко чыгаруу.
Ал ошондой эле бир катар мусулман өлкөлөрүнүн, анын ичинде Кыргызстандын жарандарына Американын аймагына кирүүгө тыюу салууну жокко чыгара алат.
КОММЕНТАРИЙ КАЛТЫРУУ