Ош шаарында 6-ноябрда уурулукка шектелип 21 жаштагы эки бала кармалган. Бул тууралуу Ош шаардык ички иштер башкармалыгынын басма сөз катчысы Замир Сыдыков билдирди.
Анын айтымында, 4-ноябрда Шолохов көчөсүнүн 50 жаштагы тургуну арыз менен кайрылган. Анда ал 2020-жылдын 27-октябрынан 28-октябрына караган түнү саат 02:30 чамасында белгисиз адамдар Амир Темир кичи районунда жайгашкан дүкөндүн кулпусун талкалап, 20 миң сомго бааланган азык-түлүктү уурдап кетишкендигин билдирген.
6-ноябрда милиция тарабынан Ош шаарынын тургундары 1999-жылы туулган У.М жана Х.М кармалган.
Буга чейин бул экөө Ош шаарындагы дүкөндөрдөн 3 миң сомдон 26 миң сомго чейин уурдаган деп айыпталган. Кармалгандар боюнча 11 факт аныкталды. Х.М мурда үч жолу соттолгон. Азыр кармалгандардын экөө тең убактылуу кармоочу жайда отурушат.
КОММЕНТАРИЙ КАЛТЫРУУ