Бүгүн, 16-ноябрь күнү Бишкек шаарынын казысы Замир кары Ракиев казыят кызматкерлери менен жыйын өткөрүп, жыйын учурунда бир катар тапшырмаларды берди. Бул тууралуу Кыргызстан мусулмандар дин башкармалыгынын басма сөз кызматы билдирет.
Айрыкча учурда шаарыбызда эпидемиологиялык абал курч болгондугуна байланыштуу санитардык эрежелерди жалпы мечиттерде тыкыр көзөмөлгө алуу жана ар бир мечиттин имамына элдин саламаттыгына кам көрүү тууралуу эскертүү баяндарын айтуу тапшырмалары берилди.
«Шаарыбызда эпидемиологиялык абал курч бойдон калууда. Акыркы абал боюнча баарыбыз маалыматтардан кабардар болуп жатабыз. Ошондуктан мечиттерде аралыкты сактоо, бет кап тагуу жана башка санитардык талаптарды так сактоону көзөмөлгө алып турушубуз керек. Ден соолук баарыбызга берилген аманат. Ошондуктан аманатка кыянат кылбайлы»,-деди Замир кары Ракиев.
КОММЕНТАРИЙ КАЛТЫРУУ