КРнын эмгек сиңирген артисти Кайрат Примбердиевдин жубайы Элвира Бегалиеваны унаа сүзүп кетти. Бул тууралуу ал өзүнүн Instagram баракчасына билдирди.
Жабырлануучунун айтымында, ал азыр ооруканада. Ага шейшемби күнү операция жасалат.
“Эртеби-кечпи муну баары билмек, андыктан бул тууралуу өзүм биринчи жазууну туура көрдүм. Мени унаа сүзүп кетти. Күнөө экөөбүздөн тең кетти. Айдоочу мен күтпөгөн жерден эки тилкени кесип өткөнү үчүн. Мен болсо, туура эмес жерден өткөнүм үчүн. Кудай сактады. Азыр ооруканадамын. Шейшембиде операция жасалат. Бет сөөгүм талкаланып кетиптир. Өзүңүзгө сак болуңуз. Кырсык күтүлбөгөн жерден келет турбайбы”, – деп жазды Элвира Бегалиева.
Жол кырсыгы Медеров жана Абдрахманов көчөлөрүнүн кесилишинде болгондугу такталды.
Ал эми ырчы Кайрат Примбердиев “Кудай буйруса баары жакшы болот”, – деп жазган.
КОММЕНТАРИЙ КАЛТЫРУУ