Бүгүн, 25-ноябрда Бишкек шаарынын Биринчи Май райондук сотунда 2019-жылдын 7-8-августундагы Кой-Таш айылындагы окуялар боюнча сот отурум уланууда.
Отурумдун жүрүшүндө судья Азирет Медеров бир нече кылмыш иштерин бириктирүү боюнча чечим чыгаргандыгын айтты. Экс-президент Алмазбек Атамбаевдин адвокаты Сергей Слесарев судья бул иштерди бириктирүүгө укугу жок деп жооп берди.
«Эртең менен мага телефон чалышып, эки кылмыш ишин бириктирдик деп айтышты. Сотто Кой-Таштагы окуялар боюнча соттун катышуучуларын көрдүм. Катышуучуларга билдирүү жөнөтүшү керек болчу, биз иштерди бириктирүү боюнча токтом менен таанышкан жокпуз», – деди Сергей Слесарев.
Айыпталуучулар дагы иштердин биригишине каршы чыгышты. Фарид Ниязовдун айтымында, Кой-Таш айылындагы окуялар боюнча козголгон кылмыш ишинин башкаларга эч кандай тиешеси жок. Бирок судья чечим буга чейин кабыл алынган деп жооп берди.
КОММЕНТАРИЙ КАЛТЫРУУ