Кечээ, 25-ноябрда УКМК кызматкерлери уюшкан кылмыштуу топтун активдүү мүчөлөрүн кармашты. Бул тууралуу бүгүн, 26-ноябрда УКМКнын басма сөз кызматы билдирди.
Алардын айтымы боюнча, өздөрүн “положенец” жана “смотрящий” деген 32 жаштагы Э.Т. жана Э.К. кармалган.
“2020-жылдын сентябрь айында кармалгандар жеке ишкерден Бишкектеги соода-базар комплексиндеги соода түйүнүн өткөрүп берүүнү талап кылышкан. Мындан тышкары, аталган кылмыштуу топтун мүчөлөрү алардын кылмыштуу пландарын жүзөгө ашыруу жана коркутуу үчүн ишкерди Бишкек шаарынын четине алып чыгышкан.
Бул факт КР Кылмыш-жаза кодексинин 203-б. (Опузалап талап кылуу) боюнча катталды. Кармалгандар КР УКМКнын убактылуу кармоочу жайына киргизилди.
КОММЕНТАРИЙ КАЛТЫРУУ