Menu

Таалайбек Сарыбашов калкка кышкы жылуулук берүүнүн сапатын жакшыртуу, жолдорду кар, муздан тазалоо боюнча тапшырмаларды берди

Бөлүшүү:
Бүгүн, 26-ноябрда Ош шаарынын мэри Таалайбек Сарыбашов коммуналдык ишканалардын жетекчилери менен жыйын өткөрдү. Анда шаар мэри шаардык жылуулук электр борборунун, «Жылуулуккамсыздоо» мекемесинин жана муниципалдык турак-жай коммуналдык башкармалыгынын аткарып жаткан иштерин талкуулады. Бул тууралуу Ош шаардык мэриясынын басма сөз кызматы билдирди.
“Шаар боюнча айрым турак үйлөргө жылуулук толук жетпей же жакшы жылытпай жаткандыгы тууралуу жарандар кайрылышууда. Бул маселени жоюу боюнча катуу иш алып баргыла. Кайсы аймакта, кайсы турак-үйлөргө жылуулук жакшы жетпей жатса, тийиштүү адистер жерине барышсын. Анын себебин тактап, тез-арада жоюу аракетин көргүлө. Жарандар тарабынан кышкы жылуулук боюнча арыздар болсо, сөзсүз тийиштүү ишкана жетекчилерине чара көрүлөт. Кээ бир үйлөрдүн ички жылуулук системасында маселе болуп, жылуулук жетпеши мүмкүн. Ал үчүн көп кабаттуу үйлөрдүн жылуулук, канализация, муздак суу системаларын оңдоп түзөө боюнча түшүндүрүү иштерин аймактык кеңештин төрагалары менен биргеликте күчөткүлө”,- деген Т.Сарыбашов.
Ошондой эле, шаар жетекчиси кар жааган мезгилде жолдорду кар, муздан тазалоо боюнча тийиштүү ишкана жетекчилерине бир катар тапшырмаларды берген.
“Кар жааган учурда шаардын жолдорун, тротуар, аялдамаларынын айланасындагы кар, муздарды тазалоо иштерин күчөткүлө. Биринчиден элдин коопсуздугу маанилүү. Ошондуктан өз убагында көчөлөргө туз, кум чачып, жолдордун адам басуучу бөлүктөрүн кар, муздан тазалагыла”,-деген шаар башчысы.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 77 − 71 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: