Атыр Абдрахматова: “Кодулоо менен каралоо, жалган маалымат таркатуу, адамды кемсинтүү, аброюна шек келтирүү – бул Текебаевге, анын командасына 30 жылдан бери көнүмүш адат”

“Текебаев менен “Ата Мекендин” убада кылган “бомбасы”. Рахмат!” – деп жазды бүгүн, 26-ноябрда БШКнын мурунку мүчөсү Атыр Абдрахматова атамекенчилер ал тууралу тараткан билдирүүгө комментарий берип жатып.

“Кодулоо менен каралоо, жалган маалымат таркатуу, адамды кемсинтүү, аброюна шек келтирүү – тилекке каршы Текебаевге, анын командасына көнүмүш адат болгон ыкма, жеке кызыкчылык үчүн мыйзамды да, Конституцияны да бузгандарынын дагы бир далили! 30-жылдан бери мамлекетти бирде бийликчил, бирде “оппозициячыл” болгонсуп башкаргандар, мамлекетти, элди бөлүп жарып, элдик ресурстарды жеке кызыкчылыкка пайдаланып, өзүнүн ыплас иштерин жаап жашырыш үчүн ушундай “бомбалары” менен элди алыксытып, мамлекетти, элди жакырчылыкка алып келишкен. Азыр да элдин сынчыл ой жүгүртүүсүнө, өнүгүшүнө бут тоскон аракетин уланткандарынын далили. Жетишет! #жанылануу #тазалануу убактысы келди. #фейкфабрика #текебаев #атамекен“, – деп жыйынтыктаган Атыр Абдрахматова.