Бүгүн, 1-декабрда Турсунбек Жумабеков маалымат жыйында эмне үчүн президенттик шайлоого катышуудан баш тартканын түшүндүрдү.
Жумабеков 24-ноябрда БШКга 2021-жылдын 10-январына белгиленген кезексиз президенттик шайлоого катышуу үчүн берилген документтерди кайтарып алуу жөнүндө арыз менен кайрылгандыгын билдирди.
“Мен өзүмдүн талапкерлигимди Абдил Сегизбаевдин пайдасына алып салдым, анткени экөөбүздүн программабызда окшоштуктар дал келет”, – деди ал.
Ошондой эле, Турсунбек Жумабеков Сегизбаевди колдой тургандыгын белгиледи.
Эскерте кетсек, президенттик шайлоо 2021-жылдын 10-январында өтөт. Кечээ, 30-ноябрда дагы Садык Шер-Нияз Садыр Жапаровду колдоорун билдирип, өз талапкерлигин алып салам деп жарыялаган.
КОММЕНТАРИЙ КАЛТЫРУУ