Бишкек шаардык кеңеши муниципалдык батирди чемпион Айсулуу Тыныбековага өткөрүп берүү жөнүндө токтом долбоорун жактырды. Чечим бүгүн, 2-декабрда Бишкек шаардык кеңешинин кезектеги сессиясында кабыл алынды.
Депутаттар маселени талкуулабай, түз добуш берүүгө өтүүнү сунушташты. Жыйынтыгында алар долбоорду жактырышты.
Эске салсак, үч бөлмөлүү батирдин сертификатын спортчуга экс-президент Сооронбай Жээнбеков дүйнөлүк чемпионаттагы жеңишинен кийин тапшырган. Бирок, ал мүлк муниципалдык менчикте экени белгилүү болду. Бул соттон кийин тартып алынган Нариман Түлеевдин батирлеринин бири.
КОММЕНТАРИЙ КАЛТЫРУУ