Укук коргоо органдарынын кызматкерлерине берилүүчү жөлөк пул алынып салынышы керек. Бул тууралуу депутат Акылбек Жапаров Жогорку Кеңештин жыйынында билдирди.
Анын айтымында, бюджеттен 3 миллиард сомдон ашык коопсуздук кызматкерлери үчүн жөлөк пул алууга сарпталат.
“Биз жакында бюджеттин кароосун өткөрдүк. 20 жыл иштеген ички иштер органдарынын кызматкерлерине пенсия төлөө үчүн жылына 3 миллиард сом, пенсияга ар кандай кошумча төлөмдөр үчүн 3 миллиард 700 миллион сом бөлүп беребиз. Алардын пенсиясын жана айлыгын өз акчабыздан төлөп беребиз. Эмгек акынын өлчөмүн көтөрүү керек, бирок пенсияга үстөк акыларды алып салуу керек. Генералдарга жана башчыларга берилүүчү жөлөк пулдар айлык акыга кошумча бойдон калсын, бирок пенсияга тиешеси жок “, – деди Акылбек Жапаров.
КОММЕНТАРИЙ КАЛТЫРУУ