Кечээ, 4-декабрда Бишкек шаарынын Биринчи май райондук соту “Кадастр” мамлекеттик мекемесинин директоруна карата баш коргоо чарасы тандады. Бул тууралуу журналисттерге Биринчи май райондук сотунан тастыкташты.
Алардын айтымында, сот тарабынан Абдумуктар Маматовго 2021-жылдын 2-февралына чейин үй камагына алуу түрүндөгү баш коргоо чарасы тандалган.
Белгилей кетсек, 2-декабрда Өкмөткө караштуу Жер ресурстары боюнча мамлекеттик агенттиктин алдындагы “Кадастр” мамлекеттик мекемесинин директору Абдумуктар Маматов кармалган.
Маалыматка ылайык, “Кадастр” ишканасынын жетекчилиги аймактык бөлүмдөрдүн башчыларынан мыйзамсыз түрдө акча жыйнап туруктуу негиздеги коррупциялык схема түзгөнү белгилүү болгон.
Кармалган Абдумуктар Маматов УКМКнын убактылуу кармоочу жайына киргизилген.
КОММЕНТАРИЙ КАЛТЫРУУ